ବନ୍ଧୁଗଣ ଆମ ଶରୀରର ସମସ୍ତ ଭାର ଆମ ପାଦ ଦୁଇଟି ଉପରେ ହିଁ ରହିଥାଏ। ଆମର ଚାଲିବା, ବୁଲିବା, ଡେଇଁବା, ଖେଳିବା କୌଣସି ଭାରୀ ଜିନିଷ ଉଠାଇବା ଆଦି ସବୁ କାମ କରିବା ସମୟରେ ପାଦ ଉପରେ ଭାର ପଡିଥାଏ । ସେଥିପାଇଁ ବହୁତ ଲୋକଙ୍କର ଗୋଇଠିରେ ଅସହ୍ୟ ଯନ୍ତ୍ରଣା ଅନୁଭୂତ ହୋଇଥାଏ । ତେବେ ଏହି ଗୋଇଠି ଯନ୍ତ୍ରଣା ସାମାନ୍ୟ ଏକ ଯନ୍ତ୍ରଣା ନା କୌଣସି ପ୍ରକାର ରୋଗର ସଂକେତ ଦେଇଥାଏ । ଆସନ୍ତୁ ଡାକ୍ତର ଏ ସମ୍ପର୍କରେ କ’ଣ କହୁଛନ୍ତି ଜାଣିବା ।
ଆମ ପାଦରେ ଅନେକ ଗୁଡିଏ ହାଡ ରହିଛି । ଯେଉଁ କାରଣରୁ ପାଦରେ ଅଧିକ ଓଜନ ପଡିବା ସହ ଏହା ଯନ୍ତ୍ରଣା ହୋଇଥାଏ । ରୋଗୀଙ୍କ ପାଦର କେଉଁ ଅଂଶରେ ଯନ୍ତ୍ରଣା ହେଉଛି ଏବଂ ସେହି ଅନୁସାରେ କେଉଁଠି କେଉଁ କାରଣରୁ ଯନ୍ତ୍ରଣା ହେଉଛି ତାହା ପ୍ରଥମେ ଡାକ୍ତର ଯାଞ୍ଚ କରିଥାନ୍ତି । ତେବେ ପାଦ ଓ ଗୋଇଠି ଯନ୍ତ୍ରଣା ହେବାର ଅନେକ କାରଣ ହୋଇପାରେ । ହାଡରେ ଆଥ୍ରାଇଟିସ କାରଣରୁ ଯନ୍ତ୍ରଣା ହୋଇପାରେ କିମ୍ବା କୌଣସି ଫ୍ରାକ୍ଚର ଯୋଗୁଁ ହୋଇପାରେ ।
ଅନେକ ସମୟରେ ହାଡ ବଢିବା ଯୋଗୁଁ ମଧ୍ୟ ଯନ୍ତ୍ରଣା ହୋଇଥାଏ । ଆମ ପାଦରେ ସବୁ ଜଏଣ୍ଟକୁ ଲାଗିକରି ଅନେକ ନରମ ଟିସ୍ୟୁ ସବୁ ରହିଛି ଯାହା କୌଣସି କାରଣରୁ ଆଘାତ ପାଇ ଛିଣ୍ଡି ଯାଇଥାଏ । ଏହି କାରଣରୁ ମଧ୍ୟ ପାଦରେ ଯନ୍ତ୍ରଣା ହୋଇଥାଏ । ଏହା ଠିକ ସମୟରେ ଜଣା ନ ପଡିଲେ ମାସ ମାସ ପର୍ଯ୍ୟନ୍ତ ଏହା ଲାଗିରୁହେ । ଆମ ପାଦରେ ଗୋଟିଏ ଛୋଟିଆ ସୂତା ଭଳି ଜିନିଷଟି ହାଡକୁ ଯୋଡିକି ରଖିଥାଏ । ଅନେକ ସମୟରେ ତାହା ଫୁଲିଯାଇ ତା’ ଚାରିପଟେ ପାଣି ଜମିବା କାରଣରୁ ମଧ୍ୟ ଯନ୍ତ୍ରଣା କରାଇଥାଏ ।
ଆମ ଗୋଇଠିରେ ୫ ପ୍ରକାରର ସ୍ନାୟୁ ରହିଥାଏ ଯାହା ଅନେକ ସମୟରେ ଚାପି ହୋଇଯିବା ହେତୁ ଯନ୍ତ୍ରଣା କରାଇଥାଏ । ଏହାଛଡା ଟ୍ଯୁମର ଯୋଗୁଁ କିମ୍ବା ଅନ୍ୟ କୌଣସି ସଂକ୍ରମଣ ଯୋଗୁଁ ମଧ୍ୟ ଗୋଇଠି ଯନ୍ତ୍ରଣା ହୋଇପାରେ । ଅନେକ ସମୟରେ ଅଣ୍ଟାବିନ୍ଧା ମଧ୍ୟ ପାଦ ଉପରେ ପ୍ରଭାବ ପକାଇଥାଏ । ପାଦର ଆକାର, ମୋଟାପଣ, ଚାଲିବା ଶୈଳୀ ଓ ଜୀବନଶୈଳୀ ଗୋଇଠି ଓ ପାଦ ଯନ୍ତ୍ରଣା ଉପରେ ପ୍ରଭାବିତ କରିଥାଏ ଓ ଏମାନଙ୍କ କ୍ଷେତ୍ରରେ ପାଦ ଯନ୍ତ୍ରଣା ସମସ୍ଯା ଦେଖାଦେବା ସମ୍ଭାବନା ଅଧିକ ଥାଏ ।
ତେବେ ଯେଉଁ ଲୋକମାନଙ୍କର ଗୋଇଠିରେ ଅସହ୍ୟ ଯନ୍ତ୍ରଣା ଲଗାତର ଅନୁଭୂତ ହେଉଛି । ତେବେ ଏହାକୁ ହେଳା ନକରି ଡାକ୍ତରଙ୍କ ସହ ଏ ସମ୍ପର୍କରେ ପରାମର୍ଶ କରିନେବା ଆପଣଙ୍କ ପାଇଁ ଭଲ ରହିବ । ପାଦ କ୍ଷେତ୍ରରେ ଯଥାସମ୍ଭବ ନନସର୍ଜିକାଲ ଟ୍ରିଟମେଣ୍ଟ ପାଇଁ ହିଁ ପରାମର୍ଶ ଦିଆଯାଏ । ଏଥିପାଇଁ କିଛିଟା ଏକ୍ସରସାଇଜ, ସଠିକ ଜୋତା ପିନ୍ଧିବା, ଷ୍ଟ୍ରେଚିଙ୍ଗ ଓ ଫିଜିଓଥେରାପି ନେବାକୁ ପଡେ ।
ଏହାସହ କିଛି ରୋଗୀଙ୍କ କ୍ଷେତ୍ରରେ କିଛିଦିନ ପାଇଁ ମେଡ଼ିସିନ ମଧ୍ୟ ଖାଇବାକୁ ପରାମର୍ଶ ଦିଆଯାଏ । ଏସବୁକୁ ସଠିକ ଭାବେ ମାନି ଚଳିଲେ ଗୋଇଠି ଯନ୍ତ୍ରଣା ଭଲ ହୋଇଥାଏ । ବନ୍ଧୁଗଣ ପୋଷ୍ଟଟି ଆପଣ ମାନଙ୍କୁ ଭଲ ଲାଗିଥିଲେ ପେଜକୁ ଲାଇକ୍ କରିବା ସହ ଏହାକୁ ଅନ୍ୟ ମାନଙ୍କ ସହ ଶେୟାର କରିବାକୁ ଭୁଲନ୍ତୁ ନାହିଁ ।
