ଦୁଇ ମାସରୁ ଅଧିକ ସମୟ ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିବା ପରେ ସିବିଆଇ ଏହି ଘଟଣାର ତଦନ୍ତ କରିବ । ବୁଧବାର ଏହି ମାମଲାର ଶୁଣାଣି ବେଳେ ସୁପ୍ରିମକୋର୍ଟ କହିଛନ୍ତି ଯେ ସିବିଆଇ ବର୍ତ୍ତମାନ ଏହି ମାମଲାର ତଦନ୍ତ କରିବ । ସୁପ୍ରିମକୋର୍ଟଙ୍କ ଏହି ନିଷ୍ପତ୍ତି ସହିତ ସୁଶାନ୍ତଙ୍କ ପରିବାର ଏବଂ ତାଙ୍କୁ ଚାହୁଁଥିବା ସମସ୍ତଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଏଥି ସହିତ ମନୋରଞ୍ଜନ ଜଗତ ସହ ଜଡିତ ସେଲିବ୍ରିଟିମାନେ ମଧ୍ୟ ସୁପ୍ରିମକୋର୍ଟଙ୍କ ନିଷ୍ପତ୍ତିରେ ଖୁସି ବ୍ୟକ୍ତ କରିଛନ୍ତି । ଏଥି ସହିତ ସମସ୍ତେ ଆଶା କରୁଛନ୍ତି ଯେ ସୁଶାନ୍ତ ଶୀଘ୍ର ନ୍ୟାୟ ପାଇବେ ।
ସୁଶାନ୍ତ ସିଂ ରାଜପୁତ ଙ୍କ ମୃତ୍ୟୁକୁ ଗୁଡ଼େ ଦିନ ବିତିଯିବା ପରେ ତାଙ୍କ ରହସ୍ୟ ଆଜି ମଧ୍ୟ ରହସ୍ୟ ହୋଇ ରହିଛି । ତେବେ ଏହା ହତ୍ୟା ନା ଆତ୍ମହତ୍ୟା ସେହି ସବୁର ତଦନ୍ତ କରିବ CBI । ମୁମ୍ବାଇ ପୋଲିସ ପୂର୍ବରୁ ଏହି ମାମଲାରେ ବହୁତ ବିଳମ୍ବ ଏବଂ ଅବହେଳା କରି ସାରିଛି । ଆଶା କରାଯାଉଛି ଯେ ସୁଶାନ୍ତ ଙ୍କ ମୃତ୍ୟୁ ରହସ୍ୟ କୁ ନିଶ୍ଚୟ ସମାଧାନ କରି ପାରିବ ସିବିଆଇ ।
ତେବେ ଯେବେ ସୁପ୍ରିମକୋର୍ଟ ଏହି ଶୁଣାଣି କଲେ ଯେ ସୁଶାନ୍ତ ଙ୍କ ମୃତ୍ୟୁର ଯାଞ୍ଚ କରିବ CBI, ଅନେକ ଅଭିନେତା ମାନେ ଟୁଇଟ କରି ସାଧାରଣ ଜନତା ଏବଂ ସୁଶାନ୍ତ ଙ୍କ ଫ୍ୟାନ ମାନଙ୍କୁ ଶୁଭେଚ୍ଛା ଜଣାଇଥିଲେ । ଅକ୍ଷୟ କୁମାର ନିଜ ଟୁଇଟର ହ୍ୟାଣ୍ଡେଲ ରେ ସୁଶାନ୍ତ ଙ୍କ ଉପରେ ଲେଖିଛନ୍ତି କିଛି ଏମିତି କଥା । ସୁଶାନ୍ତ ମାମଲାରେ ସୁପ୍ରିମକୋର୍ଟଙ୍କ ରାୟ ପରେ ଭେଟେରାନ୍ ଅଭିନେତା ଅନୁପମ ଖେର ଟ୍ୱିଟ୍ କରିଛନ୍ତି – ‘ଜୟ ହୋ .. ଜୟ ହୋ .. ଜୟ ହୋ’ । ସତ୍ୟର ବିଜୟ ନିଶ୍ଚୟ ହେବ ।
ଅଭିନେତା ଅକ୍ଷୟ କୁମାର ଲେଖିଛନ୍ତି – ‘ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାର ତଦନ୍ତ ପାଇଁ ସୁପ୍ରିମକୋର୍ଟ ସିବିଆଇ ତଦନ୍ତ ନିର୍ଦ୍ଦେଶ ଦେଇଛନ୍ତି । ସତ୍ୟ ସର୍ବଦା ଜିତେ । ‘
ଅଭିନେତ୍ରୀ କ୍ରିତି ସାନନ୍ ଲେଖିଛନ୍ତି – ‘ଗତ 2 ମାସ ଅଶାନ୍ତିରେ ପରିପୂର୍ଣ୍ଣ ଥିଲା, ସବୁକିଛି ଏକାଠି ଅସ୍ପଷ୍ଟ ଥିଲା । ସୁଶାନ୍ତ ସିଂ ମାମଲାରେ ସିବିଆଇ ତଦନ୍ତର ସୁପ୍ରିମକୋର୍ଟଙ୍କ ନିର୍ଦ୍ଦେଶରୁ ଜଣାପଡିଛି ଯେ ବର୍ତ୍ତମାନ ଶେଷରେ ସତ୍ୟତା ଜିତିବ ।
ଚଳଚ୍ଚିତ୍ର ନିର୍ମାତା ମଧୁର ଭଣ୍ଡାରକର ଲେଖିଛନ୍ତି – ‘ସୁଶାନ୍ତ ସିଂ ମାମଲାରେ ଆମେ ସୁପ୍ରିମକୋର୍ଟଙ୍କ ବିଚାରକୁ ସ୍ୱାଗତ କରୁଛୁ । ଆଶା ଅଛି ଯେ ନ୍ୟାୟ ମିଳିବ ।
ତୁଷାର କପୁର ଲେଖିଛନ୍ତି – ‘ଆଇନ ବହୁତ ଶକ୍ତିଶାଳୀ, ସତ୍ୟ ପ୍ରକାଶ ପାଇବ । ତୁମର ଆତ୍ମା ଶାନ୍ତିରେ ବିଶ୍ରାମ କର । ‘
ଏମାନଙ୍କ ବ୍ୟତୀତ ସୁଶାନ୍ତଙ୍କ ପୂର୍ବତନ ଗର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେ, ଆମିଷା ପଟେଲ, ନୀଲ ନିତିନ ମୁକେଶ, ସଞ୍ଜନା ସାଙ୍ଗୀ, ଆନନ୍ଦ ପଣ୍ଡିତ ଙ୍କ ସମେତ ଅନେକ ସେଲିବ୍ରିଟି ଏହି ନିଷ୍ପତ୍ତିରେ ଖୁସି ବ୍ୟକ୍ତ କରିଛନ୍ତି । ଏହି ଖବର ପସନ୍ଦ ଆସିଥିଲେ ଲାଇକ ଏବଂ ସେୟାର୍ କରିବାକୁ ଅନୁରୋଧ । ଧନ୍ୟବାଦ ।
